Home  »  Poems of Places An Anthology in 31 Volumes  »  The Wedded Waters

Henry Wadsworth Longfellow, ed. Poems of Places: An Anthology in 31 Volumes.
Scotland: Vols. VI–VIII. 1876–79.


The Wedded Waters

By William Thom (1798?–1848)

GADIE wi’ its waters fleet,

Ury wi’ its murmur sweet,

They hae trysted aye to meet

Among the woods o’ Logie.

Like bride an’ bridegroom happy they,

Wooing smiles frae bank an’ brae,

Their wedded waters wind an’ play

Round leafy bowers at Logie.

O’er brashy linn, o’er meadow fine,

They never sinder, never tyne,

An’, O, I thought sic meetings mine,

Yon happy hours at Logie!

But Fortune’s cauld an’ changefu’ e’e,

Gloomed bitterly on mine an’ me,

I looket syne, but cou’dna see

My sworn love at Logie.

Now lowly, lanely, I may rue

The guilefu’ look, the guilefu’ vow,

That fled as flees the feckless dew

Frae withered leaves at Logie.

But Gadie wi’ its torrents keen,

An’ Ury wi’ its braes sae green,

They a’ can tell how true I ’ve been

To my lost love in Logie.