Home  »  Poems of Places An Anthology in 31 Volumes  »  Lass of Logie

Henry Wadsworth Longfellow, ed. Poems of Places: An Anthology in 31 Volumes.
Scotland: Vols. VI–VIII. 1876–79.


Lass of Logie

By Alexander Laing (1787–1857)

I ’VE seen the smiling summer flower

Amang the braes of Yarrow;

I ’ve heard the raving winter wind

Amang the hills of Barra;

I ’ve wandered Scotland o’er and o’er,

Frae Teviot to Strathbogie:

But the bonniest lass that I ha’e seen

Is bonnie Jean of Logie.

Her lips were like the heather bloom,

In meekest dewy morning;

Her cheeks were like the ruddy leaf,

The bloomy brier adorning;

Her brow was like the milky flower

That blossoms in the bogie;

And love was laughing in her een,—

The bonnie lass of Logie.

I said, “My lassie, come wi’ me,

My hand, my name, are ready;

I ha’e a lairdship of my ain,

And ye shall be my ladye.

I ’ve ilka thing baith out and in,

To make you blythe and vogie.”

She hung her head and sweetly smiled,—

The bonnie lass of Logie!

But she has smiled, and fate has frowned,

And wrung my heart with sorrow;

The bonnie lass sae dear to me

Can never be my marrow.

For ah! she loves another lad,—

The ploughman wi’ his cogie;

Yet happy, happy may she be,

The bonnie lass of Logie!