Home  »  Poems of Places An Anthology in 31 Volumes  »  The Birks of Aberfeldy

Henry Wadsworth Longfellow, ed. Poems of Places: An Anthology in 31 Volumes.
Scotland: Vols. VI–VIII. 1876–79.


The Birks of Aberfeldy

By Robert Burns (1759–1796)

CHORUS.—Bonny lassie, will ye go,

Will ye go, will ye go?

Bonny lassie, will ye go

To the birks of Aberfeldy?

Now simmer blinks on flowery braes,

And o’er the crystal streamlet plays;

Come, let us spend the lightsome days

In the birks of Aberfeldy.

The little birdies blithely sing,

While o’er their heads the hazels hing,

Or lightly flit on wanton wing

In the birks of Aberfeldy.

The braes ascend, like lofty wa’s,

The foamy stream deep-roaring fa’s,

O’erhung wi’ fragrant spreading shaws,

The birks of Aberfeldy.

The hoary cliffs are crowned wi’ flowers,

White o’er the linns the burnie pours,

And rising, weets wi’ misty showers

The birks of Aberfeldy.

Let Fortune’s gifts at random flee,

They ne’er shall draw a wish frae me,

Supremely blest wi’ love and thee,

In the birks of Aberfeldy.