Home  »  Poems of Places An Anthology in 31 Volumes  »  Ann o’ Cornylee

Henry Wadsworth Longfellow, ed. Poems of Places: An Anthology in 31 Volumes.
Scotland: Vols. VI–VIII. 1876–79.


Ann o’ Cornylee

By John Crawford (1816–1873)

I ’LL twine a gowany garland

W’ lilies frae the spring;

The fairest flowers by Clutha’s side

In a’ their bloom I ’ll bring.

I ’ll wreathe a flowery wreath to shade

My lassie’s scornfu’ ee;

For, O, I canna bide the frown

O’ Ann o’ Cornylee.

Nae gilded ha’, nae downie bed

My lowly cot maun cheer,

A sheilin’ on the banks o’ Gryfe

Is a’ my worldly gear;

A lanely cot, wi’ moss o’ergrown,

Is a’ I ha’e to gi’e;

A leal heart, sinking ’neath the scorn

O’ Ann o’ Cornylee.

The linty ’mang the yellow broom,

The laverock in the lift,

Ha’e never sang the waes o’ love

O’ hope and joy bereft;

Nor has the mavis ever sang

The ills I ha’e to dree.

For lovin’ o’ a paughty maid,

Fair Ann o’ Cornylee.