Robert Burns (1759–1796). Poems and Songs.
The Harvard Classics. 1909–14.
325 . Song—What can a Young Lassie do wi’ an Auld Man?
What can a young lassie do wi’ an auld man? Bad luck on the penny that tempted my minnie To sell her puir Jenny for siller an’ lan’. Bad luck on the penny that tempted my minnie To sell her puir Jenny for siller an’ lan’! He hoasts and he hirples the weary day lang; He’s doylt and he’s dozin, his blude it is frozen,— O dreary’s the night wi’ a crazy auld man! He’s doylt and he’s dozin, his blude it is frozen, O dreary’s the night wi’ a crazy auld man. I never can please him do a’ that I can; He’s peevish an’ jealous o’ a’ the young fellows,— O dool on the day I met wi’ an auld man! He’s peevish an’ jealous o’ a’ the young fellows, O dool on the day I met wi’ an auld man. I’ll do my endeavour to follow her plan; I’ll cross him an’ wrack him, until I heartbreak him And then his auld brass will buy me a new pan, I’ll cross him an’ wrack him, until I heartbreak him, And then his auld brass will buy me a new pan.